KONGRESU OSTEKO EKITALDIAK

Ezagutu Bizkaiko lurraldea modu harrigarrian, puntu enblematikoenetara hurbilduz.

Lekuak:
25
Ordutegia:
10:45 – 12:00
Elkartze-puntua:
Pío Baroja plaza, 1, Bilbo. Nola iritsi

Bilbo inoiz ikusi ez duzun bezala: hiria bere bihotzetik. Bilboko arima ezagutu nahi duzu? Igo zaitez ontzira eta nabigatu Nerbioi itsasadarrean barrena, hiriaren iragana eta identitate modernoa zizelkatu dituen urbidean. Ez dago Bilbo esploratzeko modu hoberik hura zeharkatzen duen ibaiari jarraitzea baino.

Lekiak:
30
Ordutegia:
9:00 – 13:00
Elkartze-puntua:
Euskalduna Bilbao Jauregia. Nola iritsi

Ezagutu Bizkaiaren funtsa iraganera eramango zaituen bidaia batean. Utzi zure burua harritzen Balmasedako La Encartada Fabrika-Museoaren magiarekin. XIX. mendeko jatorrizko fabrika hau garai batean bezalaxe kontserbatzen da, makineria eta tresneria guztia bere jatorrizko lekuan mantenduz. Ehungintza-teknologia historikoaren munduko bildumarik osatuenetakoa denez, garai hartako fabriketako soinu eta usain gogoangarriak bizitzeko aukera ematen du. Jarraitu ibilbidea Gallartako Euskal Herriko Meatzaritzaren Museoan. Bertan, burdin meatze nagusiak arakatu ditzakezu, meatzarien eta metalurgikoen lan gogorra ezagutu eta teknika industrialen bilakaera aztertu. Bi museo ezberdin, artilez ehunduak eta burdinaz forjatuak, euskal nortasunaren arima gogorra definitzen dutenak.

Lekuak:
30
Ordutegia:
10:00 – 18:00
Elkartze-puntua:
Euskalduna Bilbao Jauregia. Nola iritsi

Ezagutu Bizkaiko ondarearen funtsezko bi adierazpide Bakion dagoen Txakolin Museoa eta Bermeon kokatuta dagoen Arrantzaleen Museoa bisitatuz. Hasteko, txakolinaren historia, bilakaera eta ekoizpena ezagutuko dituzu, ardo berezi honek tokiko nortasuna nola baldintzatu duen ikasiz. Ondoren, Bermeoko Ercilla Dorre historikora joko dugu; bertan, Arrantzaleen Museoak euskal kostaldeko herrien tradizioak, eguneroko bizitza eta itsas kultura hurbilduko dizkizu erakusketa eta bisita gidatuen bidez.